ما بين هذا و ذاك

ما بين هذا و ذاك

في اخر فتره تعرضت قناة الجزيرة الرياضيه الى دولتنا الحبيبه الاردن و ذلك بأتهامها بأن التشويش الذي حصل خلال مباريات كأس العالم كان من الاردن و بالأخص من مدينة السلط و أدى إلى تعطيل مشاهدة مباريات كاس العالم على مشتركين الجزيره و توقعت الجزيره انها بذلك تستعيد حقوقها المعنوية بالاحرى بالقصاص من الفاعلين بالأتهام و لكن الجزيرة اختارت مرحلة سئية لاعلان ذلك حيث تزامن الامر مع رفع اسعار البندورة بالاردن فأصبح هاجس الشعب ليس كاس العالم و من شوش عليهم بل من رفع سعر البندوره فتناسى الشعب الاردني امر كأس العالم و أصبح يفكر مين شوش علينا قلاية البندوره لا الوم الشعب فنسبة اللذين يقدرون كاس العالم اقل بكثير من نسبة اللذين يقدرون قيمة قلاية البندوره فان عرضت على احد الناس الان كرت الجزيره مقابل 10 كيلو بندوره فاظن ان الجواب حيكون قلاية بندوره بالصحن ولا فناة جزيرة عالصحن ( الرسيفر ) .

و لكن يبقى هاجسي الشخصي الاكبر هو مين الاخ اللي قدر يشوش على الجزيره على امل انه نلاقيه و يشوش على الحكومه ارسالها و يشرط اعادته باعادة سعر البندورة الى ما كانت عليه فبهيك كمان بساعد الاطفال على اعادة الاستمتاع باغنية البندورة الحمرا على قناة طيور الجنه و يساعد العائلات في الاردن على اعادة صنف قلاية البندورة الى المائده الاردنيه و استرجاعها لقيمتها السابقه و يحافظ على عدم تلاشي اسم قلاية البندورة من تراثنا الشعبي فان الاجيال القادمه لن تتذكر ان تشويش حصل على قناة الجزيرة كان سببه الاردن بل سيتذكر انه كان بقديم الزمان شي اسمه قلاية البندورة اختفى مع التشويش الحكومي برفع سعر البندوره و ستصبح احد القصص التي نرويها الى اطفالنا بحيث نقول عندما نكبر زمان كنا نمسك البندوره و نعطيها للصغير يفغمها اي يأكلها بطريقة الفغم و زمان كنا نحط شي اسمه قلاية بندوره الله يرحم ايام زمان ما بدنا انو نصل الى هاي المرحله من الامر و لكن بدنا انو يكون النا بطل يعيد لنا سعر البندوره و ان نضع له تمثال يكتب تحته بطل البندوره الذي اعاد البندورة الى المائده الاردنيه ارجو ان تصل مقالتي البسيطه الى الذي شوش على قناة الجزيره و ان يعد بتشويش اخر بشريط مصور تعرضه القنوات العربيه بتهديد صريح للجزيره انه اذا لم تدفع لنا بالمقابل كم طن بندوره فلا يحلموا انهم يتهنوا بكاس العالم الجايه اظن بوقتها ستدفع الجزيره حقوق التشويش بالبندوره او بامكاننا بيع الجهاز الذي تمكن من تشوبش على القمر الجزيري مقابل اطنان من البندوره نظرا لارنفاع سعر هيك اجهزه .

هون بخطر على بالي سؤال اخر مين اللي دفع سعر الجهاز اللي شوش على قناة الجزيره من اين لك هذا ؟ و مين اللي بمستوى الذكاء اللي فيه قدر يشوش على الجزيره يعني لو كنت مكان الحكومه و اكتشتفه راح اعينه عندي لانه وصل لمرحلة حلو من الذكاء اللي ممكن فيه انه يفيد البلد يعني ما في داعي اني اتهمه و اقلل من قيمته و هو شخص بفيدني و لكن بنرجع و بنحكي ما بفيدنا اي ذكاء و انما البندوره هي من ستفيدنا مستقبلا على امل عودة البندورة لنا بصحه و سلامه معافيه مع ختم الجوده على قفاها لاثبات انها تصلح للاكل .

ما بين هذا و ذاك

ما بين هذا و ذاك :: تعاليق

ما بين هذا و ذاك