عدد المساهمات : 339نقاط : 5872العمر : 35الموقع : ارض الله الواسعهالمزاج : و الله حالي من حال الجميع
27072010
بكل ما للكلمة من معنى
بكل ما للكلمة من معنى
قبل يومين سمعنا خبر البنت الخسه او بألاحرى فتاة الخس اللي لفت شارع الرينبو مغطية نفسها بالخس لمحاولة تنبيه الناس للأضرار الناجمة عن كثرة ذبح الحيوانات و اكل لحمها و تشجيعهم على الاكل النباتي ... طبعا خلال قرأتي للخبر الاول للموضوع كان العنوان فتاة عارية الا من الخس تجوب شارع الرينبو بالمعنى انو البنت بدون ملابس و مغطية نفسها بالخس فقط و كان في صور لبنت شقرا و مغطية بالخس فعلا و لكن الاسئلة اللي كانت براسي هي انه وين الشرطه ؟ و لو كان شب هل راح يتركوه لدرجة انو يكتب عنه مقال ؟ يعني وقت مو قصير ... و بعدين لو واحد اشتهى الخس و سحبلة خسه هل في خس احتياط مع البنت لتغطي العجز الحاصل فيها ؟ طيب كم راس خس استعملت للعمليه ؟ و خس اردني ولا مستورد ؟ و الباقي اللي ظل من الخس رمته ولا خبته عشان تعمل منه سلطه ؟ اسئلة كثير فكرت فيها و منها سمعتها عم لسان العالم اللي كانت تحكي بالموضوع ... انا صراحة كنت ضد الموضوع لانه الاخبار اللي قرأتها و سمعتها كان انو البنت بلا ملابس و بس عليها خس و هاد خارج عاداتنا كبلد إسلامي و ما بصير و حكيت كيف أعطوها موافقة على هاد الشي و مين أعطاها و رضي على هاد الامر و هي هيك .. حتى لو انه كان لقضية منطقية و لازم ننبه العالم و الشعب الاردني الها ....
و لكن بثاني يوم طبعا قرأت خبر نشر كان عنوانه ( الشرطة تعتقل فتاة الخس لتسسبها بأزمة مرورية ) و لكن الصدمة كانت الي لما شفت الصور الجديدة للبنت الخسه غير الصور الاولى كانت البنت محجبة و لابسة لبس محتشم و فوق اللبس موجود الخس وقتها انا وقفت معها لانو اصبحت قضية تمسكت فيها البنت و حاولت ايصالها بطريقتها اللي غير مخالفة و توعوية و لكن عشان الازمة المرورية اعتقلتها الشرطه و لكن كمان اسئلة دارت براسي ...
بما انو اعتقلوها عشان الازمة المرورية مين بدو يكون اعتقلها شرطة السير ؟ او انو شرطة البيئة على اعتبار انو القضية بيئية ؟ و هل تدافع الناس لاكل الخس و تجميعه عشان السلطة بعد ما حسوا انو الشرطه راح تاخده و يروح عليهم ؟ او اقتنع الشعب بالسلطة الخالية من الخس عشان السعر الغالي للخس ؟ و عند الاعتقال بالمخفر هل حبسوها مع الخس او اعتبروا انو الخس غير مذنب انما هو نبات تم اجباره على المشاركه ؟ و اكيد المخفر يومها تعشى سلطة لانو الخس كثير .....
طبعا تم الافراج عن فتاة الخس بعد عدة ساعات كما تم نشره بالخبر و اكيد حكتلهم توبة اعيدها لانو شعبنا ما بصدق بشوف خسة بتمشي بالشارع و لكن بقي السؤال الاهم و الاكبر ... كلنا بنعرف حالة تشبية الناس للبنت الحلوة بالشارع بكلمة خسة ما بعرف ليش او وين الشبه و لكنها مصطلح شبابي متداول و لكن هل بعد رؤيته على الواقع سيتم تثبيت المصطلح و نشره و هل بوقتها حد قدر يحكي عن البنت مثلا ... شوف البنت مزه و رد عليه صاحبه ولك مزة مين شوف منيح البنت هاي خسة بكل ما للكلمة من معنى ................
بكل ما للكلمة من معنى 
